انا ليا واحد صاحبي المفروض انه مخرج .. هو برنس و احسن من حمير كتير خدوا فرصتهم، درس ٤ سنين اخراج و سينما دفع فيهم اكتر من ١٥٠ الف ، و في الاخر مش لاقي فرصته .. ليه ؟ عشان احنا بلد ماشية بالتعريض !
واحد تاني مهندس فضل يدرس ٥ سنين في كلية هندسة و في الاخر برضه مش لاقي فرصته عشان نفس السبب .
واحد تاني دكتور بعد التخرج جاله التكليف بتاعه ب ٢٧ جنيه في الشهر ، يعني ميكملوش علبتين سجاير .
واحد تاني بعد التخرج من اداب انجليزي انتهي بيه الحال انه اشتغل في كول سنتر ، يعني بيرد علي مكالمات و خلاص ، حاجة ملهاش اي علاقة بدراسته .
المهم اللي انا عاوز اقوله ان فرصتنا في البلد دي تكاد تكون معدومة .. و اللي يقولك غير كده يبقي بيضحك عليك ، و سيبك من كلام الافلام بتاع البلد دي احسن من غيرها و الهبل ده ، البلد دي مفيش اوسخ منها .
الهجرة الي اي مكان هي الحل ، الحل في حياة كريمة تتساوي فيها فرص الجميع بناءا علي مؤهلاتهم و مدي انتاجهم في عملهم ، مش بناءا علي انت واسطتك مين و تبع مين .
